Skárra væri það nú...

Skárra væri það nú ef maðurinn skuldaði ekki nokkurn aur. Það er löngu búið að sýna fram á að við venjulegir íslendingar vöðum flest öll í skuldum upp fyrir haus.

Ég verð að viðurkenna að ég hef ekki lesið þessar fréttir og ætla ekki að gera það en ég tek ofan fyrir þeim sem nenna allavega standa í þessu stappi fyrir okkur hin, hvort sem þeir skulda háar fjárhæðir eður ei.

Segir sig úr stjórn vegna umfjöllunar Fréttatímans

Athugasemdir

[Guðmundur Ásgeirsson, 19.11.2010 kl. 17:23]

Ef Marinó skuldaði ekki neitt, þá færu hagsmunir hans ekki saman með félagsmönnum HH. Að hann skuli vera skuldugur ein og við hin er bara stór plús í þessu dæmi en ekki mínus, því að þá er alveg ljóst fyrir hvaða hagsmuni hann stendur og að þeir hagsmunir fara saman með hagsmunum þeirra sem að baki honum standa. Að reyna að vega að persónu þessa ágæta manns í fjölmiðlum er ekkert annað en lágkúruleg tilraun til að reka fleyg í samstöðu þeirra sem berjast fyrir lausnum á skuldavanda heimilanna.